SAMBAH DATA

Pangka ka ujuang :

Sunggueh pun kapado Datuek surang, dang kato nak rapeklah Datuek kasaisi rumah gadang basa batuah nangko, nan salirik bandue ditapi nan salanggam bandue di tangah, diujuang pinteh mamalintang lalu kapaseban tangah dilareh nan duo kadudukan, katigo Ianggam parsambahan dari ujuang lalu kapangka, dari tangah lalu ka tapi, katampeknyo ambo maantakan sambah, tapi baa tohnyo kini diambo, indak doh kataririk bak karangan, akan tatambo bak mansiang, akan tatiokkan bak babilang, akan katatok bak bacatue, akan tasabuik namo kata puji gala, disabuik namo kok lambek dipuji gala kok lalai hanyolah sambah data parsambahan ambo kanan saisi rumah gadang basa batuah nangko, Tapi baa tohnyo kini hanyo kapado Datuek juolah kapulangnyo parsambahan ambo, adopun nan kadipulangkan juo kapado Datuek pendeknyo, apolah kapendeknyo.

Iyolah bawakie pulo silang nan bapangka, karajo nan bapokok sambie kapangka ka badan diri ambo, ateh malelokan nan sapanjang adat nan sagalo Datuek, adat nantun iyolah pulang mamulang kato kapado Datuek, tapi sungguehpun baitu Iaikolah kamanyokokan hati ateh sagalo Datuek kito, sungguehpun baitu pitua kami kadibarinyo Datuek.

Ujuang:
Nan sabarih panitahan Datuek nantun iyo basaba Datuek samantaro nak kami paiyokan sambie ka ujuang.

Ujuang:
Nan sabarih panitahan Datuek tadi iyolah kami kato Paiyokan sambie ka ujuang nan pitua dari pado baliau, iyo nan bak pitua Datuek, gurindam adat niniek mamak pitua dek guru-guru kito:

Anak urang Koto Marapak, Kapakan ka Sungai Buluh, iliakan jalan kakoto tuo, Bulek jantuang dalam kalupak, Bulek aie dalam pambulueh, Sapatah kato bao baiyo.

Baatohnyo kini koklah saiyo sakato datuek silang nan bakpangka sambie kapangka pun datuek Iah mamulangkan pulo kapado kami. Jalanlah pasa dek baturuik sumue Iah janieh dek basawuek, jang kapalang lalu Datuek tantang itu.

Pangka:
Dang katolah dapek ambo kato nan sapatah Iah baiak manyanang di hati ambo. Tapi baatohnyo kini nan kadipulangkan juo kapado Datuek, iyolah sabarih kapado diri ambo:

Umue nan balun satahun jaguang,

Darah nan balun satampuek pinang,
Pandapek nan alun sakuku urang,
Nan bak ayam jolong bakukuek
Nan bak bijo nan jolong katumbueh
Nan bak puyueh jolong mangipeh

Kok ditiliek kapado tubueh:
Kok tinggi karano dek rueh
Kok gadang karano dek buku
Kok gapuek karano dek dagiang

Aka kurang pandapek balun

Nan bak pitua Datuek juo:
Baburu urang kalembang data
Dapeklah ruso balang kandai
Buruan anak siulando
Tampak nan dari ladang padi
Jikok sabarih badan diri ambo
Lai baguru balun pandai
Lai batanyo balun tau
Diliek surek Iah hilang
Dijalang guru Iah gaib
Amek bicaro budi kami
Tumbuehlah capo dalam rimbo

Tumbuehlah rumpuik makanan sapi
Sarumpun jo sigaduduek
Patah pinggalan rang piaman
Limbang nan dari batang hari
Kakida jalan rang kurai
Jikok sabarih badan diri ambo
Sunggueh hiduik umpamo mati
Sungguehpun Iai umpamo tidak
Bak ibarek Iauek dalam bangka
Diilie Iukah rang tahan
Dimudiek tubo rang tokok
Ditangah jalo bamain
Dirusuek tikalak makan
Tak badan badayo Iai

Tapi sungguehpun baitu, kan iyolah tasurueh pulo ambo dek ninik mamak, silang nan bapangka karajo nan bapokok sambie kapangka, maruang rimbo nan dalam, mangarungi lauik amarullah. Kok malang nan tak dapek ditulak, mujue nan tak dapek kadirayieh, jiko tatampueh ambo dilarangan, kok batuka lai ko ka Datuek asak, kok barubah lai ko ka Datuek sapo, sungguehpun baitu pituanyo kami kadibarinyo Datuek.

Ujuang:
Nan sabarih panitahan Datuek nantun iyolah kami ambiek kato paiyoan sambie ka ujuang apo nan pitua dari pado baliau kok nan salaruik salamo nangko, asa Iai adat satu pusako ciek, kok barubah Iai sapo manyapo, kok batuka Iai asak maasak, lah adat lamo pusako usang, jalan rayo titian batu sumue bah janieh dek basawuek, jan kapalang lalu Datuek tantang itu.